Ntaub Npog Qhov Ncauj Qhov Ntswg: COVID-19

Kho tshiab 6/14/2024

Nyob rau daim nplooj no:
Thaum twg thiaj li yuav tau npog ntsej muag
Hom ntaub npog ntsej muag
Yuav looj cov ntaub npog ntsej muag zoo li cas
Xav paub ntau dua ntxiv

Tus kab mob COVID-19 feem ntau nws kis ib tug neeg dhau ib tug los ntawm huab cua. Txoj kev siv ntaub npog ntsej muag yuav pab rau kom cov kab mob no (thiab lwm yam kab mob) thiaj li tsis kis mus rau lwm tug. Xws li nws muaj ob txoj hauv kev pab:

• Yog koj muaj tus kab mob COVID-19 thiab koj npog ntsej muag lawm, koj yuav pab tau kom lwm tus txhob kis kab mob ntawm koj, lub sij hawm koj ua pa tawm, hnoos, los sis txham.
• Txoj kev npog ntsej muag yuav pab rau kom koj txhob kis kab mob los ntawm lwm tug.

Thaum twg thiaj li yuav tau npog ntsej muag

• Thaum koj tab tom yuav zoo ntawm tus kab mob COVID-19, txoj kev npog ntsej muag 5 hnub yuav pab tiv thaiv lwm tug, yog hais tias:
  • Koj tsis kub taub hau tau 24 xuaj moos lawm (los ntawm koj tus kheej, tsis siv tshuaj pab), thiab
  • Koj tus mob ntaug zog tau 24 xuaj moos lawm.
• Thaum muaj ntau yam kab mob hauv koj lub zej zog uas kis tau los ntawm cov huab cua.
• Yog hais tias koj los sis cov neeg nyob ib ncig muaj feem mob hnyav heev vim tus kab mob COVID-19.
• Yog hais tias koj los sis cov neeg nyob ib ncig tau nyob ze ib tug neeg uas mob tus kab mob COVID-19 los sis lawv tau nyob ze ib tug neeg uas tau tus kab mob tsis ntev tas los no.
• Yog hais tias nws pab rau koj kom siab loj zog los sis koj xav ua txhua yam kom tsis txhob tau tus muaj mob.

Hom ntaub npog ntsej muag

• MDH xav kom txhua tug yuav tau looj cov ntaub npog ntsej muag kom zoo, kom haum thiab pab tiv thaiv tus kab mob COVID-19. Xws li cov ntaub npog ntsej muag uas zoo yog hom N95 los sis KN95, vim lawv pab tiv thaiv tau kab mob zoo heev li.
• Yog koj tsis muaj cov ntaub npog ntsej muag zoo N95 thiab KN95, npog cov ntaub uas muaj ob los sis ntau txheej. Koj looj tau ib daim ntaub npog ntsej muag ntxiv rau daim ntaub uas koj twb looj uas ntej lawm, kom nws tiv thaiv koj ntau dua ntxiv. Koj yuav tau kho daim ntaub npog ntsej muag kom haum thiab npuab kiag daim ntaub tuaj hauv qab.
• Txoj kev siv cov ntaub npog ntsej muag zoo tseem ceeb heev, yog hais tias koj yog ib tus neeg uas keev yuav muaj mob hnyav yog tias koj tau tus kab mob COVID-19.
• Nrhiav cov ntaub npog ntsej muag kom muaj tus pav kho ntawm qhov ntswg. Qhov no yuav pab rau kom daim ntaub npog ntsej muag npuab zoo thiab txhob muaj chaw seem dim pa.
• Tsis txhob siv cov ntaub npog ntsej muag uas hnyias hnyias, loj zog, los sis tsuas muaj tib txheej xwb, xws li ib txhia ntaub npog ntsej muag, phuam, ntaub vas caj daj los sis cov ntau bandannas. Cov ntaub ntawd tsis zoo txaus yuav tiv thaiv cov kab mob rau lub sij hawm koj hais lus, hnoos los sis txhav.

Yuav looj cov ntaub npog ntsej muag zoo li cas

• Ntxuav tes uas ntej yuav npog ntsej muag thiab tom qab koj muaj hle lawm.
• Ib daim ntaub npog ntsej muag yuav tsum tau npog qhov ntswg thiab qhov ncauj tib si thiab yuav tsum tau npuab koj ntsej muag kom txhob muaj chaw dim pa. Daim ntaub npog ntsej muag yuav tsum tsis txhob zawm heev los sis meem txom thiab yuav tsum zoo xis nyob.
• Rau cov me nyuam uas muaj 2 xyoos rau sauv, nrhiav kom tau ib daim ntaub npog ntsej muag kom haum nws. Cov me nyuam uas muaj 2 xyoos rau haum yuav tsum TSIS TXHOB npog ntsej muag.
• Yog koj coj iav, nrhiav kom tau daim ntaub npog ntsej muag kom nws kho tau zoo rau ntawm koj tus caj ntswg es koj cov iav thiaj li tsis muaj huab.
• Tsis txhob kov koj daim ntaub npog ntsej muag thaum koj muaj looj kiag lawm. Yog hais tias koj kov los sis muab koj daim ntaub kho mus kho dua ces nws txhais tau hais tias nws tsis haum koj zoo thiab koj yuav tau nrhiav ib daim ntaub npog ntsej muag txawv los sis koj yuav tau muab kho kom zoo dua qub.
• Yog koj looj cov ntaub npog ntsej muag ua ntaub xwb, koj yuav tau muaj ntxhua txhua zaug uas koj tsis siv tag lawm.
• Yog hais tias koj yuav rov qab siv daim ntaub npog ntsej muag N95 los sis KN95 qub, koj yuav tau muab nws ntim rau hauv ib lub hnab ntim ua ntawv. Tsis txhob muab daim ntaub npog ntsej muag N95 los sis KN95 ntxhua tom qab koj siv tag. Nyeem cov ntawv uas nyob nrog koj cov ntaub npog ntsej muag hais txog thaum yuav tau hloov dua ib daig tshiab.
• Tsis txhob looj ib daim ntaub npog ntsej muag uas qias, ntub, los sis tsis zoo lawm.

Xav paub ntau dua ntxiv

• Tiv Thaiv Koj Tus Kheej Thiab Lwm Tus: COVID-19
• Hais Txog COVID-19
• Coj daim npog qhov ncauj kom yog (yeeb yaj kiab)
• Lub Npog Ntsejmuag Ua thiab Txhob Ua – Rau Cov Kawm (yeeb yaj kiab)

Nco tseg: Cov chaw xws li hoob maum loj, chaw kuaj mob me, los sis cov tsev laus, nyias muaj nyias cov cai hais txog txoj kev npog ntsej muag. Yuav tsum tau ua raws li cov cai ntawm qhov chaw uas koj nyob.